Sintofahamu uchaguzi wa makamu mwenyekiti

Posted on: August 6th, 2019

Katika kila kikao cha robo ya nne cha baraza la madiwani, ambacho ndicho kikao cha mwisho kwa mwaka wa fedha kuna utaratibu wa kuchagua upya wenyeviti  na wajumbe wa kamati za kudumu za halmashauri pamoja na uchaguzi wa makamu mwenyekiti.

Aidha uchaguzi wa nafasi ya makamu mwenyekiti umeahirishwa kufanyika baada ya sintofahamu kuibuka katika kikao hicho  ambapo wagombea wawili , mmoja kutoka chama cha CHADEMA Mhe. Nicholaus Kimario  ambaye ameshikilia nafasi hiyo kwa vipindi vinne mfululizo na mgombea mwenza  kutoka CCM Abdallah Mbago  kwa kila mgombea kushindwa kufikisha asilimia hamsini ya kura zote.

Idadi ya wapiga kura walikuwa ni 36, ambapo uchaguzi ulipofanyika mhe. Kimario alipata kura 14, mhe. Mbago  kura  4, kura 16 ziliharibika na kura 2 zilikosewa majina. Baada ya majadiliano muafaka ulifikiwa wa  uchaguzi  kurudiwa ambapo Mhe. Kimario alipata kura 17,Mhe. Mbago  kura 2, kura 17 ziliharibika.

Katika uchaguzi huo ambao mshindi hakupatikana kutokana na sheria  ndogo za halmashauri zinazosema mshindi anatakiwa awe amepata kura zaidi ya asilimia hamsini ,jambo lililosababisha  kila chama kurudi kukaa upya kuchagua mgombea mwingine katika nafasi hiyo baada ya kuonekana kuwa  wagombea walioletwa mbele ya baraza hawakupitishwa.

Sambamba na hilo baraza liliamua kuwa mara baada ya vyama kuteua upya wagombea   wa nafasi hiyo, litaitishwa baraza maalumu kwa ajili ya kurudia uchaguzi huo.