ZIARA YA MKUU WA MKOA

Posted on: June 1st, 2023

Uongozi wa Mkoa wa Kilimanjaro ukiongozwa na Mkuu wa Mkoa wa Kilimanjaro Mhe. Nurdin Babu, Katibu Tawala wa Mkoa Tixon Nzunda Pamoja  na Kamati ya Ulinzi na Usalama Juni 1 wamefanya ziara ya kukagua miradi ya maendeleo katika Halamashauri ya Wilaya ya Rombo. 

Ziara hiyo ililenga katika kuhakiki thamani ya miradi husika na kupata ripoti kamili kuhusu  miradi hiyo. Jumla ya miradi nane ya maendeleo ilitembelewa ambapo baadhi ilionekana kuwa na dosari.  

Katibu Tawala wa Mkoa wa Kilimanjaro Tixon Nzunda  ametoa wito kwa Mkurugenzi wa Halmashauri pamoja na Wakuu wa Idara  kuhakikisha wanazitafutia ufumbuzi changamoto hizo ndani ya siku saba. Pia amesisitiza upatikanaji wa taarifa kamili za kila mradi kuanzia  siku mradi ulipoanza hadi ulipifikia pamoja na majibu ya vipimo vya material yote yaliyotumika kuambatishwa na   kuagiza taarifa hizo  zitumwe mkoani ndani ya siku saba.

Aidha, Bw. Nzunda aliwasisitiza wajumbe juu ya uwajibikaji katika kutekeleza majukumu yao hususani yale yanayohusu miradi ya maendeleo na kuwaeleza kuwa endapo atabaini tena dosari na  uzembe wa aina yoyoye  katika miradi hiyo basi hatua kali za kisheria zitachukuliwa kwa wahusika .

Kwa  upande wake Mkuu wa Wilaya ya Rombo Mhe. Kanali Hamisi Maiga  aliushukuru uongozi wa Mkoa  kwa kufika katika Wilaya yake na kuahidi kufanyiwa kazi kwa changamoto zote zilizojitokeza kwa  kushirikiana na Mkurugenzi Mtendaji wa Halamsashauri.

Cc. Afisa Mawasiliano na Uhusiano Serikalini