ROMBO YAFANYA KIKAO CHA TATHMINI YA ELIMU SEKONDARI (MITIHANI KIDATO CHA PILI NA CHA NNE) NA WADAU WA ELIMU

Posted on: April 23rd, 2024

ROMBO YAFANYA KIKAO CHA TATHMINI YA ELIMU SEKONDARI  (MITIHANI KIDATO CHA PILI NA CHA NNE) NA WADAU WA ELIMU.

Halmashauri ya Wilaya ya Rombo ikiongonzwa na Mhe. Raymond Steven Mwangwala Mkuu wa Wilaya ya Rombo (Mgeni rasmi)  mapema leo  imefanya kikao cha tathmini ya Elimu ya sekondari  (taaluma na michezo) na wadau mbalimbali wa Elimu katika ukumbi wa shule ya msingi St. Joseph ya Mkuu.

Akizungumza Katika kikao hicho  Mhe. Raymond Mwangwala  aliwataka wadau wote katika kikao hicho kuhalikisha wanasimamia mustakabali wa elimu kwani elimu ndio msingi katika kujenga taifa imara. 

"Tunapojadili haya tujifananishe katika ushindani wa dunia, Je elimu tunayoitoa inaendana na ushindani wa dunia?  na ili kulifahamua hilo ni wazi tunahitaji  kufanya vikao kama hivyi vya tathmini pamoja wadau wa Elimu lakini pia  kufanya tafiti za kina zaidi ili kuboresha zaidi sekta hii ya Elimu" alizungumza Mhe. Mwangwala. 

Kadhalika Mkuu wa Wilaya ameomba wadau wa elimu kona haja ya kuongeza   somo la maadili kwa wanafunzi  ili kukabiliana na changamoto kubwa  ya mmomonyoko wa maadili katika jamii hasa katika kipindi hiki Cha utandawazi.

Pia Mhe.Mwangwala  amepongeza jitihada za wadau wa elimu  katika kutambua umuhimu wa kutunza mazingira na vyanzo vya maji. 

"Licha ya kutambua jitihada  hizo bado nawaomba waalimu wakuu kuhakikisha kila mwanafunzi anapanda mti wake nyumbani na shuleni na kutunza miti hiyo na nitahakikisha nafanya ziara za kushtukiza kujionea hali inakwendaje" Mhe. Mwangwala amezungumza hayo kutokana na kuwepo kwa changamoto ya  mabadiliko makubwa ya tabia ya nchi yaliyosababishwa  na uharibifu wa mazingira