MAADHIMISHO YA MIAKA 62 YA UHURU WA TANZANIA BARA

Posted on: December 9th, 2023

Halmashauri ya Wilaya ya Rombo imeungana na Watanzania wote kusheherekea miaka 62 ya Uhuru wa  Tanzania Bara katika Ukumbi wa Ofisi za Halmashauri ya Wilaya ya Rombo ambapo maadhimisho hayo yamefanyika kimkoa Wilayani Rombo leo 9 Dec 2023 na kusheheneshwa na Kaulimbiu ya Mwaka isemayo Umoja na Mshikamano ni chachu ya  Maendeleo ya Taifa letu.

Mkuu wa Mkoa Wa Kilimanjaro Mheshimiwa Nurdin Hassan Babu ambaye ndiye alikua mgeni rasmi katika maadhimisho hayo  amehimiza uzalendo katika Taifa letu huku akisisitiza kuwa ni wajibu wa kila Mtanzania kulinda Amani ya Nchi na kuwasikiliza viongozi wao kwani kuijenga Amani ni ngumu kuliko kuibomoa.

Pia amehimiza maadili kwa watoto na vijana na kuwaasa wazazi kuwalea katika maadili yanayofaa.

Mwisho kabisa amekemea vikali ukatili wa kijinsia hasa ukeketaji na kuwaasa viongozi wa dini kuendelea kuliombea Taifa letu bila kuchoka.